АМЖИЛТ БҮРИЙН АРД САЙН СУРГАГЧ Л БАЙДАГ

Өчүүхэн жижиг бизнест ч тэр, өсөж өндийж хүчээ авсан том бизнест ч тэр, амжилт бүрийн ард нь ямар нэгэн сайн сургагч, аугаа түншлэгч, зөв зүгийн хөтөч заавал байдаг гэдэгт би итгэдэг. Амжилттай яваа бизнесмен, аугаа ихийг бүтээсэн томоохон эрхмүүд бүгд хожмоо энэ тухайгаа дурссан байдаг нь тохиолдлын хэрэг бишээ.

https://tusgaltchanar.wordpress.com/2025/08/29/trade-travel-are-interrelated/

Өөрсдийгөө үнэлж мэддэг тэдгээр хүмүүс мөн тэр хирээрээ өөрсөддөө алдаа гаргахыг хүлээн зөвшөөрдөггүй бөгөөд хариуцлагыг ямагт өөр дээрээ авдаг хүмүүс байдаг. Тиймдээ ч тэд өөрсдөө ч мэдэлгүйгээр сургагч болчихсон байдаг. Тэд өөрийн арвин их туршлага мэдлэг, чадвар, заль ухаан ер өөрт нь юу байгаа дээрээ үндэслэн хамгийн богинохон хугацаанд чамд байж болох нөөц бололцоо, бүх чадвар чадавхийг тань бүрэн шавхаж нээж, илрүүлж өгдөг юм. Сургагчтай хүний тухайд сургагчийнхаа урьд хожид гаргаж байсан өчнөөн олон алдаа мадагийг бага давтах нь тодорхой бөгөөд цаг хугацааг ч ихээхэн хэмнэнэ. Ёс суртахуунтай сайн сургагч буюу зөв түншлэгчийг олж авсанаар түүнээс үлгэр дуурайл авч, амьдрал ахуйгаа сая зөв зүйтэй залж, залуурдаж эхэлдэг ч гэх. Энэ үеэс хамгийн түрүүнд анзаарагдаж эхлэх зүйл бол: "Би үүнийг хийж чадах уу? гэж өөрөөсөө итгэлгүйгээр асуудаг байсан "нялцгай шингэн төлөв"-өөс шилжиж, ямар ч хүнд нөхцөлд орсон ч бай, Би үүнийг яаж хийх вэ? хэмээн асуух ""хатуу чанга төлөв""-рүү шилждэг!" гэж байгаа юм.